بعد ما كونا مسكنا فى أمل و هو بناء حزب الغد و الناس أطحنت أيام أنتخابات الرئاسه و طلع عنيها جه بعد كده حبس أيمن الأعضاء أتصنفوا ل 3 شرائح و هاشرحهم بالتفصيل :
الشريحه الأولى : ملناش مصلحه فى الحزب ده
الشريحه ديه من أوسخ الناس ألى ممكن تقابلهم فى حياتك و كانو مجموعه من النصابين كانو شغالين مصالح على أيمن و مراته و منهم واحد كان أسمه أبو شادى نصب فى أكتر من 20000 لأنه أستغل فشل أيمن فى الأداره و طلع عينه فلوس و الناس ديه بعد حبس أيمن قالو ملناش عيش فى الحزب ده نشوف مصلحتنا فى حته تانيه .
الشريحه الثانيه : ناس مثقفه و بتحب مصر مش بتحب ميكى ماوس:
الناس دول صعبانين عليا جدا مفقدوش الأمل بعد حبس أيمن و قالو هانكمل المشوار و بالفعل أبتدو يشتغلو ناس دخلو الشباب و ناس عملو لجان جديده و رغم الحرب ألى شنها حزب باب الشعريه على اللجان الجديده برده كملوا فيه لجان معرفتش تقوم من أساسه زى لجنه حقوق الأنسان بعضهم راح لجنه التدريب و التثقيف و بعدهم شغال جوكر هنا شويه و هنا شويه و نصيحه منى ليهم كفايه عليكو كده متكملوش المكان ده الأحلام فيه ماتت و مفضلش غير الكوابيس .
الشريحه الثالثه : ناس فاضيه طحن ( فراغ حتى النخاع ) :
الشريحه ديه تمثل أكثر من 95 % من الأعضاء الحاليين و لو كنتو سمعتوا الكلام فى مقاله نظره عامع على أعضاء الغد و دخلتو منتدى الجهل شعارنا و العلم عدونا و الحريه لميكى ماوس كنتوا هاتعرفوا تطلعوا الفئه ديه بسهوله لأنهم كتييييييييييييير جدا و واضحين المهم الناس ديه تعانى من فراغ شديد زى حال أغلب شبابنا لا شغله ولا مشغله ناس مش بتقول جمله مفيده على بعض كل نشاطها فى الدنيا أنها بتعترض تقوله يصح يقوم قايلك أنا معترض و نفسه ياعينى يحقق النقص ألى عنده و يمسك أى حاجه عقده المسؤليه أنه شايف نفسه طول عمره تابع غير مسؤل عن أى شىء فملقاش غير الغد ألى هايحل فيه عقدته أنا بقلهم عقدتكم قربت تتحل و الناس ألى بتفهم هاتسبلكو الحزب و هاتخدو مناصب و هاتعملو بزنس كارت بأساميكم بس ساعتها مش هاتكملو كام شهر و هتلاكو نفسكم مش عارفيين تمشو الليله علشان أنتو شويه متخلفين و الدمار ساعتها هايكون نهائى غير قابل للعلاج .
سيفاجىء قيادات الغد قريبا بأستقاله جماعيه ستضم أكثر من 20 عضو من القاهره و هم الأعضاء النشطاء بالحزب فكما قال أحدهم و هو رفض التصريح بأسمه الأن أن الحزب أصبح الأن يضم فئه غير مثقفه و غير مناسبه للسياسه فبعد أن بدأ العاملين بمركز نور الثقافى بباب الشعريه و توغلهم فى لجان الحزب بناء على توجيهات من مدام جميله أسماعيل زوجه نور أصبح الجو غير ملائم لأى شخص مثقف أو حزبى أن يعمل فهم مثل الجواسيس و يثيرون المشاكل بين النشطاء لكى يتمكنو من السيطره على اللجان مثل ما حدث بلجنه الشباب .
أيمن نور كما له الفضل فى بناء حزب الغد فهو أيضا له الفضل فى أنهياره لأن أيمن لم يوفق فى أختيار مؤسسين الحزب فالنتيجه الأن أن الحزب بضم مجموعه كبيره جدا من الفئه الغير مثقفه و أى شخص يستطيع الحكم على ذلك إذا نظر نظر سريعه على منتدى الغد من خلال هذا الرابط ( http://www.elghad.org/vb3 ) نلاحظ أن اداره الموقع تحاول أن تقوم بدور تنويرى مع الأعضاء فيقوم مدير الموقع محمد عبد الحى ( الرأى الحر كما يسمى على المنتدى ) بمناقشه مواضيع هامه مثل العلمانيه و حقوق الأنسان و الأعضاء لم يتجاوبوا مع هذه الموضوعات فمن الملاحظ أن أغلب مشاركات الأعضاء تكون فى المواضيع العامه مثل النكت و الأغانى و منتدى البنات أما المواضيع السياسيه فليس لها نصيب كبيرمن المشاركات نظرا لضيق أفق الأعضاء و بالرغم من أنهم فى حزب ليبرالى إلا أن أغلبهم ضد مبادىء العلمانيه التى هى أساس الليبراليه و نعتقد أن الحزب يخشى من صدور جريدته على الأنترنت نظرا لضعف مستواها الصحفى و أداره الحزب صرحت بصدور جريده للهواه على الأنترنت بدل من صدور جريده الحزب و يمكنك مشاهدتها من الرابط التالى ( http://www.elghad.org/online/ ) و كل هذا حدث نتيجه أن أغلب الأعضاء جائو الحزب من خلال مؤتمرات أيمن نور التى قام بها فى مختلف المحافظات و أن الكلام فى الؤتمرات لم يتناول الفكر الليبرالى لأنه كان يخشى أن تقل شعبيه الحزب فى فتره الأنتخابات فبالتالى أن اغلب الأعضاء جائو للحزب نتيجه أعجابهم بشخصيه أيمن .
تنحى المهندس وائل نواره عن منصبه بحزب الغد بعد أن قام المحامى أحمد فايق بجمع التوقيعات لأقاله المهندس وائل عن منصبه و ما ذكرته مصادرنا أن أحمد فايق محامى يعمل بمكتب أيمن نور من قبل قيام الحزب و بعد قيام الحزب أصبح الأن بدون عمل لأنهيار مكتب أيمن نور و اصبح الأن متفرغ لقاضيا ايمن نور فقط لأنه ليس أمامه غيرها و يعمل أيضا عند أسره نور .